ads980-90 after header
الإشهار 1

هاشتاغ #كلنا _مع _ فرح يغزو مواقع التواصل الاجتماعي

الإشهار 2

العرائش أنفو

هاشتاغ #كلنا _مع _ فرح يغزو مواقع التواصل الاجتماعي
قضية فرح … قصة مخاض ووجع وموت في مقبرة الاحياء مستشفى العرائش


فرح ام مغربية شابة من مدينة القصر الكبير كانت تحلم بوضع وليدتها بمستشفى للا مريم بالعرائش وجدت نفسها اخير محمولة على نعوش المشيعين .. بدأت قصتها قبل أشهر قليلة عندما كانت تداوم على الطبيب لمراقبة الحمل فعلا الوضع كان قيصريا وانهى حياتها بين مشارح الاهمال الطبي في مستشفى للامريم بمدينة العرائش .

قصة وفاة فرح تحولت الى تضامن واسع حيت اجتاح هاشتاغ كلنا_مع_فرح مواقع التواصل الاجتماعي. وتضامن معها ناشطون حقوقيون بالعرائش والقصر الكبير في الرابطة المغربية للمواطنة وحقوق الانسان ومنتدى حقوق الانسان بشمال المغرب وحملت شبيبة النهج الديمقراطي فرع العرائش المسؤولية للطبيب المهمل و من خلاله مندوبية الصحة بالعرائش
وطالبت بفتح تحقيق نزيه و شفاف و محاسبة كل من ثبت تورطه في هذه النازلة واعلنت عن نيتها على خوض كافة الاشكال النضالية لانصاف الضحية و مؤازرة المرحومة بالمحكمة.ويعرف ملفها مزيدا من التفاعل واشكال التضامن الحقوقي والانساني.

وكتب محمد بلمهيدي رئيس الفرع الاقليمي للرابطة المغربية للمواطنة وحقوق الإنسان بالعرائش
المرحومة فرح قالك عنق الرحم فيه غير سنتمترين
السيدة كتغوت وكتقطع بالحريق …11 ساعة ديال الحريق والألم … تخيلوا معايا هذه المدة كاملة هي فيها الحريق والمرحومة كينعتوها أنها كتبوحط …
تخيلوا شمن نفسية كانت عند المرحومة مقدراش تساعد راسها باش تولد حيث الوالدة مسدودة وفي نفس الوقت تنعت انها غير كتبوحط …
واش عملوا ليها ليباري ديال زحام ؟؟؟
واش كان خصها العملية ؟؟؟
واش فرح كان خصها تسمع كلام ديال آبلة زازة وتزحم بزز منها ؟؟؟
واش كان على المرحومة تعمل ادخار شهري ب 120 درهم وحسبو معايا شحال كتجي ف تسعة أشهر ؟؟؟
المرحومة مكنتش كتبوحط آلمسؤولين .
فرح كانت تقاوم وهي الجنين ديالها .
باقي كنسول نفس السؤال واش لي عندها ولادة الأولى قيصرية واش غادي تولد عادي ؟؟؟
وجاوبونا ومالكم ضربتوا الطم ياك كتقولو العلم والطب وكل حالة وشنو خصها وكل ولادة وظروفها …
بغيتكم تجاوبوني غير على فرح
جات مع العاشرة د الليل دخلت للسبيطار …وجابت معها الملف ديالها اللي فيه تقرير الطبيب .
عندي تساؤلات واش قلبتو فرح ؟؟؟
واش عيطتوا للطبيب حيث ماشي بالضرورة يكون متواجد بالمستشفى ؟؟؟
واش خبرتو الطبيب أن حالة فرح مستعصية وخصها عملية قيصرية حيث عندها تقرير طبي من ضمن الوثائق المكونة للملف ؟؟؟
واش الطبيب ملي سمع غير كتبوحط اطمأن لكلام القابلة وترك الحل في يدها ؟؟؟
علاش مجاش طبيب ؟؟؟
شكون اللي قالو الدنيا هانية ؟؟؟
من له الأهلية لتقدير حالة المريضة ؟؟؟
جاوبونا المسؤولين متبقاوش ساكتين ؟؟؟
واش اعباد الله اللي غادية تبوحط غادي تبقى ليلة كاملة وهي كتبوحط ؟؟؟
وا المسلمين وراه ليهود و فقلبهم رحمة … واش المرحومة 11 ساعة وهي كتوجع وكتألم وكتغوت وانا كرئيس للفرع الإقليمي للرابطة المغربية للمواطنة وحقوق الإنسان بالعرائش سمعت سيدة كانت بالمستشفى تتكلم مع إحدى السيدات من عائلة المرحومة قالت ليها ” أختى كنا كنسمعوها من الزنقة ”
والمسؤولين علاش خايفين ؟؟؟ غير قولو لينا علاش خايفين ؟؟؟
واش حيث فرح درويشة ؟؟؟
راه نخافو نولفو على الموت وناس تفضل العقم على الإنجاب ؟؟؟
واش سيدة تحمل وتعدب تسعة اشهر وتجي لحظة تضيع كولشي ؟؟؟
ها العار زولو شعار الولادة بالمجان وكتبوا بلاصتها
الولادة العصرية
2000 درهم ولادة مع سيشوار و لخياطة تحت ايقاع موسيقى بتهوفن .
1000درهم ولادة نص نص و خياطة بايقاع حبيبي يانور العين
معندكش مفحالكش تسمع ملي كنت هازة رجليك مكنتيش كتغوت
او تسمع كتبوحط … هانت تماك حتى تزحمي

ads after content
الإشهار 3
شاهد أيضا
الإشهار 4
تعليقات الزوار
جاري التحميل ...
الإشهار 5